

D2657

སྨོན་ལམ་བཏབ་ལ་གཤེགས་སུ་གསོལ། ། ཀྵ་རོ་ཡི་སྔགས་བརྗོད་ཅིང་། །མཎྜལ་མཆོད་པ་མེ་ཏོག་བསྡུ། །འདི་ཡིས་ཡིད་བཞིན་ནོར་བུ་བཞིན། །མི་མཐུན་ཕྱོགས་སེལ་འདོད་པ་འགྲུབ། །སློབ་དཔོན་དཔའ་བོ་རྡོ་རྗེ་མཛད་པའོ། །རྫོགས་སོ།།[་]@##། །མི་འཁྲུགས་པའི་སྒྲུབ་ཐབས་བཞུགས། ། @##། །མི་འཁྲུགས་པ་ལ་ཕྱག་འཚལ་ཏེ། །དེ་ཡི་སྒྲུབ་ཐབས་བྲི་བར་བྱ། །རྒྱུད་ལས་རིགས་ཀྱི་བུ་ཞེས་པ། །སྒྲུབ་པ་པོ་ཡི་མཚན་ཉིད་དེ། །དལ་འབྱོར་ཐེག་ཆེན་རིགས་ཅན་ནོ། །སྙིང་རྗེ་ཤེས་རབ་ལོན་ཏན་ལྡན། །བྱམས་དང་སྙིང་རྗེ་ལྡན་པ་དང་། །དད་ཅིང་བླ་མ་ལ་གུས་དང་། །སྐྱབས སུ་སོང་ཞིང་སེམས་བསྐྱེད་བ།།དམ་ཚིག་སྡོམ་ལྡན་དབར་ཐོབ་པས། །ལས་ཀྱི་ཆོ་ག་ཤེས་ནས་ནི། །དགོན་པའི་གནས་སམ་གྲོང་གི་མཐར། །ལས་བྱས་བདེ་བའི་སྟན་ལ་འདུག་།ཁྲུས་བྱས་གཙང་མའི་གོས་ཅན་གྱིས། །བདུན་པོ་རྣམ་པར་དག་པ་དང་། །ཚང་མེད་བཞི་སོགས་ལྡན་པར་ བསྒོམ།།ཆོས་རྣམས་ཐམས་ཅད་བདག་མེད་པར། །སེམས་ཀྱིས་བསྒོམ་པར་བྱས་ནས་ནི། ། ལས་ཟླ་བའི་དཀྱིལ་འཁོར་བསམ། །རང་གི་ས་བོན་དབུས་བསམས་ནས། །དམ་ཚིག་དག་དང་ཕྱག་རྒྱ་དང་། །བསམ་ཞིང་དེ་བཞིན་ཉིད་དུ་བྱ། །རྣལ་འབྱོར་པས་ནི་བསྒྱུར་བར་བྱ། །ལྷ་ཡི་ རྣལ་འབྱོར་ཚུལ་དུ་བསྒྱུར།།དེ་ནས་རང་གི་ས་བོན་དང་། །ཕྱག་རྒྱ་ཕྱག་རྒྱས་དེ་བྱིན་བརླབ། །ལྷ་ཡི་གོ་རིམས་ཇི་བཞིན་དུ། །སངས་རྒྱས་རྣམས་ཀྱིས་དབང་བསྐུར་རོ། །རང་ཉིད་རང་གི་ལྷར་བསྒོམས་ནས། །མི་འཁྲུགས་མདུན་ནམ་སྤྱི་བོར་བསམ། །བདག་ཉིད་མི་འཁྲུགས་པར་བསྒོམས་ ནས།།དེ་ཉིད་གསུམ་སོགས་རང་དང་གཞན། །བུམ་པ་མཆོད་རྟེན་ལ་སོགས་ནང་། །རྒྱ་མཚོ་པདྨ་ཟླ་བ་ལ། །དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་བཅོམ་ལྡན་འདིས། །བདག་གི་མཆོད་པ་བཞེས་ནས་ཀྱང་། །མཆོད་པས་བདག་ལ་དགྱེས་པར་མཛོད། །ོཾ་བིགྷ་ནཱནྟ་ ཀྲཾཏ་ཧཱུཾ་ཕཊ།།ཐལ་སྦྱར་སོར་མོ་གཉིས་ཕྱིར་བསྐྱེད། །ཏ་ཐཱ་གཏོ་དྦྷ་བཱ་ཡ་སྭཱ་ཧཱ། །ཛཿཏཱུཾ་བཾ་ཧོཿས་དེ་ཉིད་གདན་ལ་བཞུགས་པ་ལ། །མཆོད་དང་བསྐྱེད་དང་བཟླས་བ་བྱ། །སྒྲ་དང་སེམས་དང་གཞི་ལ་གཞོལ། །ལན་ལག་བཞི་དང་དམིགས་པ་གསུམ། །གཞན་དོན་བསྙེན་པ་བྱེད་པ་ནི། ། དུས་དང་མཚན་མའོ། །དངོས་གྲུབ་བསྒྲུབ་བྱའི་བཟླས་པ་ནི། །དག་དང་ཤིབ་བུ་རྡོ་རྗེ་བཟླས། །ཡིད་ཀྱི་བཟླས་བརྗེད་བཅས་པ་བཞི། །མེ་དང་སྒྲ་དང་སྒྲ་མཐའ་གསུམ། །བརྗོད་པ་མེད་པའི་བསམ་གཏན་ཏེ། །ཐུན་གསུམ་དག་ཏུ་བཟླས་པ་དང་། །བསྟོད་ནས་མཆོད་པར་གཏོང་མ་གཏང་། །ཡེ ཤེས་གཤེགས་དང་དམ་ཚིག་བསྡུ།།མི་གནས་བསོད་ནམས་སྟེར་བར་བྱེད། །སྒྲ་མཐར་ཐར་བ་སྟེར་བར་བྱེད། །བཅོམ་ལྡན་འདས་མི་འཁྲུགས་པ་བྱོན་ནས་ཞེས་པས་རང་ལྷར་བསྒོམས་པའི་རྣལ་འབྱོར་པས་སྤྱན་ངྲང་བ་དང་། །མཆོད་པ་དང་བསྟོད་པ་དང་། བཟླས་པ་དང་། བསྒོམ་པ་བྱས་ པས་དངོས་གྲུབ་སྩོལ་བར་གྱུར་པའོ།།ཆོས་ཉིད་མཉམ་པ་ཉིད་ལས་མ་གཡོས་ཀྱང་། །ཐུགས་རྗེས་གཏན་མྱ་ངན་མི་འདའ་ཞིང་། །ཕྲིན་ལས་རྣམ་བཞིས་འགྲོ་བའི་དོན་མཛད་པ། །བཅོམ་ལྡན་མི་འཁྲུགས་པ་ལ་ཕྱག་འཚལ་བསྟོད། །བཟླས་བརྗོད་མེ་ལ་ཚུལ་ཁྲིམས་རླུང་གིས་སྦར། ། བརྩོམ་འགྲུས་ཆེན་པོའི་མེ་ལྕེས་སྡིག་པ་སྲེག་།ཉི་མ་མེ་ཤེལ་ཞུགས་ལ་མེ་འབྱུང་ལྟར། །མི་ཡི་ལུས་ལ་དངོས་གྲུབ་སྩོལ་བར་མཛད། །འདི་ནི་ཡིད་བཞིན་ནོར་བུ་རིན་ཆེན་ལྟར། །སྤྱི་བོའི་གཙུག་ཏུ་ཀུན་གྱིས་བཀུར་བར་འོས། །ངན་སོང་རྣམ་སེལ་ཐར་ལམ་འདིས་འགྲུབ་བོ། །རང་གཞན་མདུན ་དུ་བསྒོམས་ཀྱང་དངོས་གྲུབ་སྟེར།